Matemáticas no País

Esta fin de semana o País publicou dous artigos interesantes sobre matemáticas: o primeiro, sobre Perelman e a Conxetura de Poincaré, titulouse
"Denle un problema"
e o segundo,
"Las matemáticas son una ciencia muy barata",
sobre Francisco Santos, catedrático de Xeometría e Topoloxía da Universidade de Cantabria, quen resolveu a conxetura de Hirsch.

10 PORTADAS DE TETRACTIS

As dez portadas de Tetractis no curso 2009-2010

Tempo de colleita

Estamos a finalizar o curso e son tempos de facer balance e recoller os frutos do ano.

Aquí tedes algún exemplo de participación en actividades:

* Olimpíada matemática galega de 2º ESO.
* Olimpíada matemática de bacharelato.
* Premio Luís Freire de investigación para escolares.
* IV Feira Matemática.

Feira Matemática

Memoria dunha xornada

Artigo de Manuel Pazos Crespo (Coque), membro do comité organizador da Feira Matemática, para o nº 10 da revista Gamma de Agapema.

Grupo XeoDin

Un grupo de traballo en Xeometría Dinámica
O grupo de traballo Xeo-Din xorde, en novembro de 2005, entre socios de Agapema co fin de traballar xeometría co software de xeometría dinámica: primeiro con Cabri, e logo co Geogebra.

Os obxectivos serían deseñar actividades para a aula e facilitar recursos didácticos para a utilización directa na aula.

Está composto por:

Débora Pereiro Carbajo, CGTD-IES Sánchez Cantón (Pontevedra)

Aia Rodríguez Somoza, CPI Mondariz

Esperanza Gesteira Losada, CGTD-IES Sánchez Cantón

Fernando Zacarías Maceiras, IES As Mariñas (Betanzos)

Ignacio Larrosa Cañestro, IES Rafael Dieste (A Coruña)

Enrique de la Torre Fernández, Ciencias da Educación (UDC)

Na súa páxina web: Xeo-Din

presentan cursos, traballos publicados, ponencias en congresos (Agapema, JAEM,...).

A destacar unha publicación sobre a curva Lemniscata de Bernouilli

TETRACTIS 44

Sumario

Probas de selección en EsTalMat
V Congreso de Agapema
25º Aniversario da Casa das Ciencias
A lenda dos mil grous
Orixe dos símbolos matemáticos (por Marta Sobrino Gosenje)
Ortografía matemática (por Adriana Vega Álvarez)

Un alumno de Caldas, campión en cálculo mental on-line

O alumno Xu Hong, de nacionalidade china, do CPI Alfonso VII de Caldas proclamouse campión da final internacional de cálculo mental on-line.



Xu Hong é alumno da nosa colega de Estalmat, Marina Germiñas, quen impartirá unha ponencia titulada: "Método sistematizado de cálculo mental", no vindeiro congreso de Agapema, que se celebrará en Ferrol, os días 25 e 26 de xuño.

Máis información en: La Voz de Galicia

Record de presentados en EsTalMat

Foron 330 os alumnos e alumnas que se presentaron ás probas de selección de EsTalMat para o bienio 2010-2012

Foto de Enrique de la Torre

Foto de La Voz de Galicia

A proba de selección celebrouse o pasado sábado 5 de xuño na Facultade de Matemáticas de Santiago de Compostela e a ela presentaronse 330 alumnos dos 381 que estaban inscritos.

Os alumnos presentados tiveron que resolver 6 problemas e seleccionaranse 25 alumnos e alumnas que acudirán todos os sábados dos cursos: 2010-11 e 2011-12 a clases impartdidas na Facultade de Matemáticas.

Máis información:

La Voz de Galicia

Estalmat Galicia

V Congreso de AGAPEMA

Celebrarase no IES Sofía Casanova (Ferrol), os días 25 e 26 de xuño, co seguinte programa:

Máis información en AGAPEMA

CANGURO MATEMÁTICO 2010

Resultados e premios á fidelidade 2010.

Estes son alumnos que reciben premio á fidelidade no concurso Canguro Matemático 2010 (entre paréntese, número de presentacións e levan '*' os alumnos que comezaron no IES Ramón Otero Pedrayo)

García Torres, Ramón (6, *)
Gestal González, Andrea (6, *)
González Rodríguez, Alex (6, *)
Luis Novoa, Alejandro (6, *)
Rey Casal, Carlota (6, *)
Fernández Quinto, Alejandro (5)
Mouriño Talín, Héctor (5, *)
Orosa Iglesias, Pablo (5, *)
Rivera Rey, Alberto (5, *)
Rodríguez Lorenzo, Sabela (5, *)
Sola Mallo, Xacobe (5, *)

Este ano os resultados foron magníficos, xa que foron moitos os alumnos que superaron a puntuación de 90 puntos.
A máxima puntuación obtida foi a de Pablo Tiagonce Benito (3º ESO), con 98,75 ptos
Por niveis, os tres primeiros clasificados foron:

1º ESO
Carlos Perea Tizón, 95,75 ptos.
Nuria Seoane Lloves, 93,75 "
Gonzalo Villanueva Ortega, 78,50 "

2º ESO
José Manuel González Díaz, 85,00 ptos.
Sergio García Pérez, 76,25 "
Javier Estávez Álvarez, 66,75 "

3º ESO
Pablo Tiagonce Benito, 98,75 ptos.
Xacobe Galán Río, 98,25 "
Victor Fernández Rodríguez, 92,75 "

e así ata 11 alumnos e alumnas por enriba dos 60 puntos.

4º ESO
Marina Combarro Eiriz, 83,75 ptos.
José Cousillas Rey, 52,25 "
María Labandeira Fernández, 51,50 "

1º Bach.
Paloma Tarrío Alves, 70,75 ptos.
Pedro Insua Merelas, 63,25 "
Iago Barcia Bernárdez, 61,50 "

2º Bach.
Ramón García Torres, 57,00 ptos.
Sabela Rodríguez Lorenzo, 51,00 "
Alejandro Fernández Quinto, 48,25 "

Parabens a todos e todas.

A lenda dos mil grous

Oito supervivintes do bombardeo de Hiroshima, chegados a bordo do cruceiro 'Peace Boat', explican na Coruña a súa experiencia e piden a erradicación das bombas nucleares.

La Opinión
El Ideal Gallego

Ler a noticia en :
A noticia trouxo á memoria a I Feira Matemática na que Tetractis publicou a Lenda dos mil grous, para celebrar o Día Escolar das Matematicas de 2007, baixo o lema " Matemáticas e Paz":

Os mil grous de origami (papiroflexia) son un conxunto de mil grous de papel unidos por cordas. Unha antiga lenda xaponesa promete que calquera que faga mil grous de papel recibirá un desexo por parte dun grou, tal como unha longa vida ou a recuperación dunha enfermidade. Os mil grous de origami converteuse nun símbolo de paz, debido á historia de Sadako Sasaki, unha pequena japonesa que desexou curar da súa enfermidade (leucemia) producida pola la radiación dunha bomba atómica. A dramática historia ven dun libro chamado Sadako e os mil grous de papel.

UNHA PROMOCIÓN EXCELENTE

(Foto: La Voz de Galicia)
O mércores 26 de maio, nun acto celebrado no Forum Metropolitano da Coruña, despedíase unha nova promoción de alumnos e alumnas de bacharelato do IES Monelos. Unha máis excelente, coma a anterior,... Pero esta, desde logo, foi excelente desde o meu punto de vista.
A algúns xa lles dera clase en 2º ESO, no IES Otero Pedrayo durante o curso 2005-06 e acompañeinos á fase Final da Olimpíada Galega dese ano (Hector e Alberto).
Outros colaboraron no boletín Tetractis (José Antonio, Diego, Sabela, Alejandro, Carlota, Laura, Daniel Cambeiro e Daniel Pereira, José Pombo...)
Moitos participantes de Canguros matemáticos, olimpíadas, opens matemáticos...
Moitos foron colaboradores no Programa "O País dos estudantes".
Algúns chegaron a formar parte dos equipos olímpicos nacionais (Diego Abalde na de Matemáticas, Pablo Orosa e Irene Varela na de Xeoloxía).
As matrículas de honra cotizaron moi alto (Pablo Orosa, Sabela Lorenzo, Hector Mouriño, Alejandro Fernández,...)
E por se fora pouco, ao menos dous pensan estudar Matemáticas.
¡En fín!.
Moita sorte e parabéns para todos e todas.

MULLERES MATEMÁTICAS

Vídeo sobre as mulleres matemáticas presentes na exposición "A muller, innovadora na Ciencia"

25º ANIVERSARIO DA CASA DAS CIENCIAS

A Casa de Todos



Con motivo do 25 aniversario da inauguración da Casa das Ciencias (1 de xuño de 1985), programáronse diversos actos de celebración que se desenvolverán ao longo de todo o ano.

As principais celebracións terán lugar na semana do 25 aniversario, entre finais de maio e principios de xuño.

Do 31 de maio ao 6 de xuño, a entrada será gratuita na Casa das Ciencias, de 10 a 19 horas.
o venres, 4 de xuño, haberá un Encontro coa Comunidade Educativa

O programa completo aquí

ESTALMAT 2010

O prazo de inscrición remata o 30 de maio.
A Facultade de Matemáticas da Universidade de Santiago de Compostela presenta a Convocatoria 2010 do Proxecto “ESTALMAT- Galicia” para a detección e estímulo do talento en Matemáticas, no ámbito da Comunidade Autónoma de Galicia.
Obxectivo: Fomentar a afección e a habilidade especial en Matemáticas en nenos e nenas de Galicia, nacidos en 1997 ou 1998.

Proceso de selección: Constará de tres fases:
1. Proba de aptitude. Terá lugar o sábado 5 de xuño de 2010, ás 10 horas, na Facultade de Matemáticas da Universidade de Santiago de Compostela. Consistirá na resolución dunha colección de problemas.
2. Test psicométrico. Terá lugar o mesmo sábado 5 de xuño, ás 13:00 horas, na mesma Facultade de Matemáticas.
3. Entrevista persoal. Unha vez corrixidas as probas, levarase a cabo unha entrevista cos nenos e nenas preseleccionados e con seus pais ou titores, que previamente serán avisados persoalmente, encamiñadas a avaliar o interese e o grao de compromiso co proxecto.

Máis información en Estalmat Galicia

TETRACTIS 43

Sumario:
MatCampus 2010
Fotos Feira Matemática 2010
Á Caza dos números primos (Por Iria González Díaz)
Fotos III Certame de Matmonólogos

Álbum fotográfico do III Certame de Mat-monólogos

Fotos do III Certame de Mat-monólogos celebrado o 11 de maio de 2010 na aula Xurxo Lobato do IES Monelos (A Coruña)

III Certame de Mat-monólogos

Guións finalistas do III Certame de Mat-monólogos, que se celebrou o martes 11 de maio de 2010 na Aula Xurxo Lobato do IES Monelos (a Coruña), para celebrar o Día Escolar das Matemáticas.

MATCAMPUS 2010

Unha quincena de matemáticas para alumnos de 1º de bacharelato.
O período de inscrición remata o 25 de maio.

O MatCampus 2010 está dirixido a estudantes de 1º de Bacharelato e 11º ano (entre 16 e 17 anos) de tódolos centros de ensino medio de Galicia e Portugal. Entre os obxectivos e competencias a acadar/potenciar no MatCampus 2010 contémplanse obxectivos xenéricos relacionados directamente coas Matemáticas, xunto con outros obxectivos transversais de carácter socio-cultural.

MatCampus 2010 desenvolverase en Galicia e Portugal durante a segunda quincena do mes de xullo (ver Calendario de Actividades).

A duración do campamento será de dúas semanas, a primeira en Braga (Portugal) e a segunda en Santiago de Compostela (España).
Máis información sobre obxectivos, inscrición, formularios... en MatCampus

Álbum fotográfico da Feira Matemática

Fotos das nosas actividades na Feira Matemática 2010

Máis fotos en Feira Matemática