Resolución de Obxectos Matemáticos I

Resolución do primeiro poster proposto

Nesta nova sección de obxectos matemáticos na vida cotiá, propuxemos un primeiro poster con 6 obxectos dos que había que falar das propiedades matemáticas que teñen.

Algunhas destas propiedades son:

Caixa de ferramentas

A caixa de ferramentas utiliza a combinación de paralelogramos articulados para xuntar e separar os distintos departamentos da caixa. Notar que as barras laterais sempre se manteñen paralelas e incluso os lados imaxinarios que unen os vértices desas barras.

A calculadora CASIO FX-Fraction

Recuperamos unha ficha de uso da calculadora Casio FX (Fraction) que se publicou no Tetractis (nº 36) de outubro de 2009.

Canguro Matemático 2011

Acaba de convocarse o XVIII concurso Canguro Matemático Europeo, unha proba, tipo test, de matemáticas destinada a alumnos de Secundaria e Bacharelato, e na que, na edición do ano 2010, participaron arredor de 6 000 000 de alumnos en todo Europa.
O prazo de inscripción remata o 22 de decembro de 2010 e a proba realizarase o xoves, 17 de marzo de 2011.

Para saber sobre a convoctoria, bases, inscripción, probas de anos anteriores... pulsa aquí:

Canguro Matemático

A nosa participación foi crecendo ano tras ano, tal e como indica o gráfico seguinte e tendo en conta que os alumnos aportan a cantidade de 3€ pola súa participación.

Non dispoñemos dos datos dos anos: 2003 e 2005.

Suma solidaria: 12cm + 12€ = 14cm

Unicef acaba de presentar unha nova campaña contra a desnutrición.

A medición da circunferencia do brazo permite identificar a desnutrición.

Esta medición realízana coa particular cinta métrica da foto.

Os nenos entre 6 meses e 5 anos cunha circunferencia do brazo inferior a 11,5 cm sofren desnutrición aguda grave.

Coa campña, Unicef tenta sensibilizar á xente para que cunha donación de 12€, a circunferencia do brazo dun neno desnutrido pasaría de 12 a 14cm.

Responde:

Cal é o raio e o diámetro dun brazo de 12cm de circunferencia?

Que incremento ten o diámetro ao pasar de 12 a 14cm de circunferencia?

Tetractis 47

Sumario:

1º aniversario do blogue Tetractis.
Matemáticas básicas no pentagrama, por Elena López Serrapio.
Regresión linear nas calculadoras.
Reloxos matemáticos para todos.
Taraceas de Fra Giovanni, por Javier Goyanes Souto.

Reloxos matemáticos para todos

Para os complexos,
para os radicais,
para os calculadores,
para os matediversos,
para os primos,
.................
.................
...para todos.

Historia do 1

Cuarta e quinta entregas deste documental da BBC

Tetractis 11-20

Volume (II) recopilatorio dos números de Tetractis, que van do nº 11 ao 20, publicados entre setembro de 2007 e abril de 2008, coa seguinte relación de artigos:
Método de Montecarlo para calcular Pi (nº11), por Enrique Currás.
Polígonos nazarís (nº11).
O triángulo de Sierpinski (nº 12), por Alicia Pedreira.
Arte con números: Tobia Rava (nº 12).
Alberto Durero (nº 12), por Laura Mella e Lucía Santos.
Realismo máxico: Rob Gonsalves (nº 13).
Triángulo de Pascal ou Tartaglia (nº 13), por Sabela Rodríguez e Laura Seoane.
23: o número de Beckham (nº 13), por Gonzalo Temperán.
Matemáticas electorais (nº 14), por Zayen Fernández.
Un gráfico desafortunado (nº 15), por Gonzalo Temperán.
Matemáticos galegos (nº 15), por Ana Romero Ferrreiro e Ariana Varela.
Sangaku, taboíñas matemáticas (nº16), por Alicia Pedreira.
Arte e matemáticas: István Orosz (nº 17).
O rostro humano das matemáticas: poster. (nº 17)
Arte e xeometría: José Mª de Labra (nº 18).
Piero della Francesca e Luca Paccioli (nº 19), por Ariana Varela.
Estruturas xeométricas (nº 19), por Sabela Rodríguez.
Xeometría aérea coruñesa con Google Earth (nº20).
Monte de San Pedro: pura xeometría (nº 20).

Premios SecunMat-UAM

O Departamento de Matemáticas da Facultade de Ciencias da UAM convoca a V Edición do Premio para Estudantes de Secundaria co obxectivo de fomentar o interese polas Matemáticas e os temas relacionados con elas.
Premiaranse os mellores traballos presentados, que poderán ser de tipo experimental ou teórico, e en calquera caso, dirixidos a fomentar a creatividade científica e o espírito de investigación en calquera dos ámbitos do coñecemento que teñan relación coas matemáticas.
Poden participar estudantes que durante 2010/11 estean cursando estudos a partir do segundo ciclo de ESO e que preparen un traballo de investigación, de tipo experimental ou teórico, sobre un tema relacionado coas Matemáticas. O traballo pode ter un mínimo de dous e un máximo de 5 autores, e debe ser coordinado por un titor ao menos.
Máis información aquí

Cartel e Bases do Premio.

Regresión linear nas calculadoras

Formulario de uso das calculadoras CASIO que utilizan os nosos alumnos para calcular os coeficientes de correlación, coeficiente de regresión, recta de regresión e estimación de valores en variables bidimensionais.
É presiso ter en conta que algúns modelos poden ter algunha variación nos modos de actuación.

Mapa MatemáTICo

Tetractis xa forma parte do Mapa MatemáTICo en Google Maps, unha rede de Blogues Educativos, Sitios Web, Páxinas de Departamentos Didácticos de Matemáticas e Wikis dedicados á ÁREA DE MATEMÁTICAS.


Ver Mapa MatemáTICo en un mapa más grande

María Wonenburguer

A discreción das ciencias exactas

Un artigo de Paola Obelleiro no País

Foto de Ramón Escuredo no Correo Galego

María Wonenburguer en Tetractis:

Doutora honoris causa pola UDC

Unha rúa para María Wonenburguer

A Sagrada Familia

Marabillosa xeometría

(Foto da Voz de Galicia)

Antonio Gaudí proxectou a Sagrada Familia combinando formas xeométricas, elixidas polas súas calidades estruturais, lumínicas, acústicas...: para iso utilizou cuádricas (hiperboloides, paraboloides e elipsoides), helicodes e conoides. O feito de deseñalas coma superficies regradas facilita a súa construción.

O hiperboloide é unha superficie xerada por unha hipérbole que xira arredor dun círculo ou elipse. Nas bóvedas e ventás, o hiperboloide queda limitado por uns estrelados creados con estas liñas rectas. As bóvedas e as ventás son interseccións entre hiperboloides, enlazados con paraboloides grazas a rectas comúns a dúas superficies.

O paraboloide hiperbólico é unha superficie alabeada de seccións parabólicas que é o resultado do desprazamento dunha liña recta enriba de outras dúas que se cruzan no espazo.

O helicoide é unha superficie regrada xerada por unha liña recta que xira segundo unha espiral arredor dun eixe vertical. Con helicoides inventou unha columna nova: a columna de dobre xiro.
O conoide é unha superficie formada por unha recta que se despraza enriba de outra recta e sobre unha curva, por exemplo unha sinusoide. Utilizounos nas cubertas das escolas parroquiais.
O elipsoide é un sólido no que todas as seccións planas son elipses. Utilízase para os nós ou capiteis que subdividen as columnas inferiores en ramas.

Gaudí tamén desenvolveu un sistema de proporcións aplicado a todas as dimensións e todos os elementos do templo.

Para saber máis: A Sagrada Familia-Xeometría

E agora unha visita virtual ao interior do templo:

Historia do 1

2ª e 3ª entregas deste documental da BBC

Pentaminós online

Xa sabedes que as letras de cabeceira do blogue e do boletín TETRACTIS están construídas cun puzzle de 12 pezas chamadas Pentaminós (ou pentominós).

Un pentaminó é unha figura formada por cinco cadrados unidos polos seus lados. (Tetractis nº1)

Forman parte dunha familia máis ampla, chamada Poliminós, formada por uniminós, biminós ou dominós, triminós, tetraminós, pentaminós, hexaminós...

Tetris é un xogo coñecido por vos, que está formado polos tetraminós e un trimminó.

Aquí tes o xogo online, onde podes construir as figuras que aprecen á dereita.

As matemáticas tamén se equivocan

Como podedes explicar esta pregunta que navega por internet?,


Un billón de micrófonos é un megáfono?

Me gustan las matemáticas

Un poema de José Antonio Hervás.

Hai un tempo facíamonos eco dun libro titulado Explorar el mundo. Poesía de la ciencia, cunha selección de poemas de Miguel García Posada.
Pois ben, vemos que Miguel García Posada dirixe unha sección de poemas sobre ciencia na páxina web: madrimasd, onde atopamos este poema sobre as matemáticas:

ME GUSTAN LAS MATEMÁTICAS

Como ninguna otra ciencia
Me gustan las matemáticas
Porque agotan mi paciencia
Con cuestiones enigmáticas

Confieso, sin estridencias,
Que me resultan simpáticas
Todas las circunferencias
Y demás curvas cuadráticas

Yo comprendo que la gente
Piense que soy diferente
Porque me gusta soñar

Con las series divergentes
Los números trascendentes
Y la función modular

II Concurso de microrrelatos matemáticos

A Facultade de Ciencias da Universidade de Alicante volve a convocar o concurso de microrrelatos baseados no número Pi, é dicir, deberase crear un relato de 20 palabras coa condición de que cada palabra debe levar un número de letras igual ás cifras do número Pi, coma por exemplo:

A mágoa e que está convocado para o alumnado e persoal da Universidade de Alicante, pero facémonos eco neste blogue porque, sen dúbida, é unha actividade interesante que podemos levar a cabo nos nosos centros.

Aquí tes outras propostas de microrrelatos:

Sol y luna a veces consiguen, al pasear entre las nubes, alborear, palidecer nuestra eclipsada tez. En tal tesitura, ¡Huye!

Ven o vete, o mejor, determina si merece vivir así. Lucha, quiérete, afróntalo. ¡Querida, Escúchame! ¡Sal de ese patético coma!

Uno u otro, a saber. Adivinaré si alguno hurta mis panes, obtendré resultado. Ingerir marihuana les da una excesiva risa.

que se poden ler no blogue: Relatos Encallados.

Aínda que este ten máis sona:

“Soy y seré a todos definible

mi nombre tengo que daros

cociente diametral siempre inmedible

soy de los redondos aros”

Historia do número 1 (1/7)

Presentamos un vídeo da BBC sobre a historia do número 1, que iremos vendo en sete capítulos:

Espiral de Ulam

Unha espiral cadrada de números primos.

O matemático polaco (nacionalizado estadounidense) Stanisław Marcin Ulam (1909-1984), ao parecer aburrido durante una conferencia, empezou a escribir os números naturais seguindo a traxectoria dunha espiral cadrada en sentido antihorario (Espiral de Ulam)

e conforme ía crecendo foi observando que os números primos aparecían con moita frecuencia nas diagonais da espiral,

tal e como se pode observar na figura:

Por certo, Ulam foi coautor do Método de Montecarlo (método estatístico para aproximar expresións matemáticas, por exemplo, calcula o valor de pi, utilizando números aleatorios) e participou no Proxecto Manhatam ( que desenvolveu a primeira bomba atómica).

No seguinte enlace tes un programa para xenerar a espiral de Ulam

Índice de masa corporal (IMC)

Índice de masa corporal (IMC), body mass index (BMI) ou índice de Quetelet é a relación entre o peso (en kg) e o cadrado da estatura (en metros) dunha persoa e trata de medir o seu grao de obesidade, segundo o valor nunha táboa determinada.


Este índice foi ideado, en 1870, polo matemático, estatístico belga Lambert Adolphe Jacques Quételet.
Sen embargo, é bastante problemático utilizar este índice en adolescentes, debido á súa variación, como demostra os seguintes gráficos de percentís do IMC para adolescentes.

Festa da Ciencia en Galego

Construímos papaventos tetraédricos

Para celebrar a festa da Ciencia en Galego, varios grupos de alumnos fixeron papaventos tetraédricos.
O tempo acompañou e fixo sol, pero estivemos con "calma chicha" e os papaventos non voaron.

Aquí tedes o Álbum de fotos desta festa.

Parámetros estatísticos na calculadora

Ficha publicada no número 46 de Tetractis, para calcular os parámetros estatísticos (media aritmética e desviación típica, principalmente) en catro modelos de calculadora Casio.

Tetractis 1_10

Volume (I) recopilatorio dos dez primeiros números de Tetractis, publicados entre outubro de 2006 e maio de 2007 coa seguinte relación de artigos:
Todo é número? (nº 1), por Iago Fraga.
Pentaminós (nº 1), pola redacción de Tetractis.
Mosaicos nazarís (nº 2), por Alba Arias e Laura Busto.
Códigos e díxitos de control (nº3), por Jurema Pena e Fátima Froiz.
Actividades de aula: Recibos e IVE (nº3).
As matemáticas do Código da Vinci (nº4), por Lucía Merelas e Cristina Rabuñal.
Matemáticas na prensa (nº5), por Iago Fraga.
Mathematical Moments: Combatir enfermidades (nº5), traducido por Marta Tarrío.
Mathematical Moments: Escoitando música (nº6), traducido por Atenea Fdez. Rozadilla.
Un vello método de multiplicar (nº6), por Gonzalo Temperán.
Selección de mulleres matemáticas, (nº6), por Amaya Bouza e Lucía Cabado.
Matemáticas exipcias (nº7), por Beatriz e Mercedes Fdez. Marta.
Fractais (nº8), por Antón Cotelo.
Logotipos e xeometría (nº8), por Ero Maroño e Aida Fdez.
A lenda dos mil grous (nº9)
Curiosidades de pi (nº10), por Cristina Fdez. Pérez.

Tamén podedes ver a sección: Xeometría de papel, por Alicia Pedreira Mengotti

Que é unha xunta tórica?

Unha xunta tórica podería ser unha destas opcións:

• O goberno do pobo tórico, un pobo da antiga Grecia.
• Unha xunta, pero en vez de ser de bois, de touros.
• Terá que ver coa xeometría?

Averíguao en xunta tórica, toro, toroide

TANGRAM

Aquí tedes unha boa páxina para traballar o tangram on line.

Se ademais dispoñes de pizarra dixital, a actividade gostará moito:

Tangram on line

Para saber algo máis sobre o tangram

A Coruña vista con ollo matemático

Unha exposición do ano 2004

Recuperamos a exposición "A Coruña vista con ollo matemático", que foi o resultado dun Seminario Permanente levado a cabo no IES Ramón Otero Pedrayo (A Coruña) no ano 2004.
Está composta de 14 carteis con títulos coma: números, cónicas, curvas, prismas, pirámides, rosa dos ventos, cuádricas, rosetón e sólidos de revolución con fotografías de obxectos cotiás, espazos, arquitectura... da cidade da Coruña.

QUE CURIOSO!

Unha nova sección en TETRACTIS

O número 40337956 pódese escribir como:

A quen se lle ocorre isto? Ou, foi por casualidade?

EL ALGEBISTRA, UN TANGO

EL ALGEBRISTA

Letra de Enzo R. Gentile
Música del tango "Mano a mano".

Algebrista te volviste
refinado hasta la esencia
oligarca de la ciencia
matemático bacán.

Hoy mirás a los que sudan
en las otras disciplinas
como dama a pobres minas
que laburan por el pan.

¿Te acordás que en otros tiempos
sin mayores pretensiones
mendigabas soluciones
a una mísera ecuación?

Hoy la vas de riguroso
revisás los postulados
y junás por todos lados
la más vil definición.

Pero no engrupís a nadie
y es inútil que te embales
con anillos, con ideales
y con álgebras de Boole.

Todos saben que hace poco
resolviste hasta matrices
y rastreabas las raíces
con el método de Sturm.

Pero puede que algún día
con las vueltas de la vida
tanta cáscara aburrida
te llegue a cansar al fin.

Y añores tal vez el día
que sin álgebras abstractas
y con dos cifras exactas
te sentías tan feliz.



http://www.rinconmatematico.com

MATEMATICALIA

Boletín dixital de divulgación matemática

Matematicalia, revista dixital de divulgación matemática, dirixida a un público o máis amplo posible e pretende introducir aos seus lectores na beleza e aplicacións prácticas das matemáticas, sacando o máximo partido de Internet como medio para a publicación de materiais que conteñen gráficos dinámicos e a toda cor, hipervínculos internos e externos a recursos relacionados, applets en Java, Flash, Shockwave outras linguaxes, clips de audio e vídeo, e outras posibilidades propias da Rede. A linguaxe de publicación é o castelá.

Cada volume de Matematicalia comprende un ano natural e ata xaneiro de 2010, constaba de cinco números que aparecían nos meses de febreiro, abril, xuño, outubro e decembre do ano correspondente. Desde xaneiro de 2010, cada volume consta de catro números, que se publican nos meses de marzo, xuño, setembro e decembro. As seccións de cada número son as seguintes:

Ciencia, Comunicación, Cultura, Economía, Educación, Internacional, Multimedia, Nacional, Sociedade, Tecnoloxía, Pasatempos, Momentos Matemáticos / Humor

Pódese visitar en Matematicalia

Boletín da Titulación de Matemáticas da UAL

A titulación de Matemáticas da Facultade de Ciencias Experimentais da Universidade de Almería presenta esta revista de divulgación matemática dirixida ao profesorado de Ensinanza Secundaria e Universitario, ao alumnado de Bacharelato e, por suposto, aos estudantes da Titulación de Matemáticas.

Nace no curso 2007-08 e publica tres números por curso.

Pódese atopar no enderezo: http://boletinmatematico.ual.es/

Aquí pódese ver o último número:

Tetractis na wikipedia galega

Actualizouse unha entrada do ano 2008

Tetractis xa ten unha entrada na wikipedia galega (Galipedia) que podes ver no enderezo:
http://gl.wikipedia.org/wiki/Tetractis

A Feira Matemática estrea nova web

http://agapemacoruna.com/feiramatematica

A Comisión organizadora da Feira Matemática está comezando a preparar a súa V edición con algunhas novidades:

• Celebrarase o sábado 21 de maio de 2011.


• A nova sede será PALEXCO.


• Estará dedicada a "Matemáticas e Química", xa que o Día Escolar das Matemáticas levará ese título, porque o ano 2011 será o Ano Internacional da Química.

Esta é carta que esta chegando a todos os centros de ensino.

Así que, Anímate e Participa

Morre Benoit Mandelbrot

O pai da matemática fractal
Coa súa muller e coa compañeira, Alicia Pedreira Mengotti, en Madrid no ano 2006
O matemático polaco, Benoit Mandelbrot, (nacionalizado francés e norteamericano) morreu o pasado xoves 14 de outubro, aos 85 anos, en Cambridge (Massachusetts, Estados Unidos), debido a un cáncer de páncreas, segundo confirmou a súa muller Aliette ao diario The New York Times.

Mandelbrot está considerado o principal responsable da teoría dos fractais, conceptos matemáticos con aplicacións en física, bioloxía ou economía.

Ver a noticia en : País, O Periódico de Cataluña, BBC Mundo, O Ideal Dixital

Entrevista de Punset a Mandelbrot

DÍA DA CIENCIA EN GALEGO

Celébrase o 4 de novembro de 2010

AGAPEMA, ENCIGA, APTEGA, IGACIENCIA, A Coordinadora Galega de Equipos de Normalización Lingüística (ENDL) súmanse á proposta de celebrar o 4 de novembro de 2010 como o Día da Ciencia en Galego, que vai a esta dedicado a

Ramón María Aller
James Clerk Maxwell
Afonso X o Sabio

As actividades a realizar figurar na páxina:

http://www.cienciaengalego.org/

e a proposta xeral e construir un papaventos, estudar o seu funcionamento e a súa historia.
Na páxina web da convocatoria hai numerosos enlaces sobre construcción, historia, funcionamento, etc.

Por exemplo, a historia pódese consultar na páxina de Sotavento Galicia

Pola nosa parte, construiremos papaventos tetraédricos, seguindo o modelo de Alexander Graham Bell, que propón Juan Miguel Suay Belenguer, e que podedes ver a continuación:

CONCURSOS LITERARIOS RSME-ANAYA

A Real Sociedade Matemática Española convoca a sexta edición dos Concursos Literarios de Narracións Escolares e Relatos Curtos RSME-ANAYA.
Os traballos poderán presentarse en calquera das linguas oficiais do Estado Español e a data límite para a entrega de traballos será en decembro.

Para saber máis

Concurso de Narracións 2010
Concurso de Relatos Curtos 2010.

Día Mundial da Estatística

Nacións Unidas declarou o 20 de outubro de 2010 (20-10-2010) o día Mundial da Estatística que SGAPEIO (Sociedade galega para a promoción da estatística e da investigación de operacións) celebra cunha programación de actividades que podes consultar na súa páxina web:

www.sgapeio.es/dia_mundial.html

A Estatística é unha ferramenta básica que forma parte indiscutible da cultura media do cidadán, xa que non se pode comprender axeitadamente o mundo actual sen habilidades mínimas de razoamento en condicións de incerteza. É tamén un instrumento imprescindible na investigación científica, na que o método estatístico forma parte esencial da contrastación e validación do avance do coñecemento.

Tetractis 46

Sumario:

Día da Ciencia en galego: 4 de novembro.
Día Mundial da Estatística: 20-10-2010.
Obxectos matemáticos cotiás.
A ponte do Pedrido: un obxecto do no noso contorno.
Parámetros estatísticos en catro calculadoras CASIO.
Instituto Galego de Estatística (IGE).

POTENCIAS DE 10

Un vídeo clásico para mostrar as potencias a unha clase de 3º ESO.
Sen embargo, hai que advertir que o narrador comete un erro ao confundir adxectivos partitivos (onceava e doceava) con ordinais (undécima e duodécima), que é como deberían ser as potencias



e unha demo do vídeo "Belén e a xeometría"

A PONTE DO PEDRIDO

Unha ponte con 13 arcos (10+3) parabólicos laterais máis un central atirantado

Inaugurouse no ano 1943 e constituíu un fito na enxeñería civil en España, xa que o seu arco central era o terceiro, a nivel mundial, con maior luz.

Está formado por 13 arcos laterais onde a súa curva directriz é unha cuártica (función polinómica de grao catro - parábola de cuarto grao, para o autor)

A curva debuxada por un programa informático sería:
O arco central é atirantado e montouse en tres tramos:

A curva directriz do arco central era unha parábola, que se alterou finalmente:

Publicacións (1944) de Cesar Villalba Granda na Revista de Obras Públicas:

Cimentacións e Arcos da Ponte do Pedrido

Noticia na Voz de Galicia: Un hito de la ingeniería en horas bajas

TETRACTIS AO CUBO

Hoxe é 10-10-10 (10 de outubro de 2010), é dicir, Tetractis ao cubo.

Tetractis é o número sagrado dos pitagóricos, o 10, que encerra as catro dimensións (punto, recta, plano e espazo).

GREGORI PERELMAN

Reportaxe sobre Gregori Perelman e a Conxetura de Poincaré nas páxinas centrais do períodico El País
Grisha por los puentes de Königsberg

El genio, el hombre, el enigma

Máis sobre Perelman no País

Perelman en Wikipedia

A Conxetura de Poincaré

OBXECTOS MATEMÁTICOS COTIÁS

Unha nova sección en Tetractis



Abrimos unha nova sección co obxectivo de estimular o recoñecemento das propiedades en obxectos da vida cotiá: no fogar, no deseño urbano e industrial, na arquitectura, na arte, na natureza...


Comezamos con seis obxectos que podes observar:

Deixa as túas ideas no blogue

Un reloxo solar no IES Mugardos

Un deseño do matemático italiano Alberto Cintio

O luns, día 4 de outubro, o sacerdote, profesor de matemáticas e ciencias italiano, Alberto Cintio e grande afeccionado á astronomía, asistirá á inauguración do reloxo de sol do IES de Mugardos.
O reloxo é o terceiro deste tipo que se instala na provincia da Coruña (xunto ao da igrexa de Ares e do IES Elviña) deseñado por este profesor italiano.

O funcionamento do reloxo pódese ler no seguinte documento que nos remite a nosa colega de matemáticas e directora do IES Mugardos, Covadonga Rodríguez-Moldes,

Nas seguintes fotografias, tamén remitidas pola directora do IES Mugardos, pódese observar ao profesor italiano no momento que toma medidas para deseñar o reloxo.

INGRID DAUBECHIES

Presidenta da Unión Matemática Internacional (UMI)

A Primeira Presidenta da UMI é unha muller belga, de 55 anos, física de formación e catedrática de matemáticas na Universidade de Princenton.
Traballa en Matemáticas aplicadas, experta en wavelets, unha ferramenta usada no formato informático de imaxes JPEG.

Entrevista no País

Unidades de medida andaluzas

Por Dani Rovira

Tetractis 45

SUMARIO

María Wonenburger, doutora honoris causa pola USC
Apertura dun novo curso ESTALMAT
O IES Mugardos estrea reloxo de Sol
Curvas famosas, por Iván García Vázquez
Xeometría de papel: A espiral das paxariñas, por Alicia Pedreira Mengotti

Inauguración do curso en ESTALMAT

Presentada a nova promoción.


O pasado sábado, 18 de setembro, inaugurouse un novo curso ESTALMAT e foi presentada a nova promoción que permanecerá dous cursos académicos.

A mesa presidencial estivo formada por:


D. Juan J. Casares Long, Reitor da USC
D. Amable Liñán Martínez, Director de ESTALMAT
Dna. Victoria Otero Espinar, Decana de Matemáticas (USC)
D. Juan M. Viaño Rey, Presidente Estalmat-Galicia
D. Victorino Pollán Fernández, Coordinador Académico
D. Juan J. de Santiago Laguillo, Vodafone
D. Bernardino Rama Seoane, Deputación da Coruña



Esta nova promoción partiu para un Campamento matemático que se celebra os días 18 e 19 de setembro no Albergue Xuvenil de Gandarío ubicado en Sada-Bergondo (A Coruña.

Máis información e fotos en ESTALMAT Galicia

María Wonenburger Planells

Doutora honoris causa pola Universidade da Coruña

Foto da Voz de Galicia

A Universidade da Coruña investirá doutora honoris causa á matemática coruñesa María Wonenburger no acto de inauguración do curso 2010-11, que abrirá a tamén matemática, Ana Tarrío Tobar.

A Universidade premia a gran aportación ao mundo da álxebra a esta matemática que xa recibira o Premio "Muller Ciencia-Arte" da Universidade da Coruña.

O Premio María Wonenburger, creado pola Xunta de Galicia, premia ás mulleres galegas que destacan na Ciencia e na Tecnoloxía.

La Voz de Galicia

María Wonenburger en TETRACTIS